gipuzkoakultura.net
Luis Pedro Peña Santiago (Irun, 1933 - Donostia, 1994) idazle, etnologo eta mendizalea elkarte eta erakunde ugariren kide saiatua izan zen, hala nola Academia Errante, Club Vasco de Camping, Instituto Francisco Ibero, Real Sociedad Bascongada de Amigos del País, Sociedad Oceanográfica eta Aranzadi Zientzi Elkartearena. 1964tik El Diario Vascoko kolaboratzaile, arte, etnografia eta mendi ibilbideei buruzko hamaika artikulu idatzi zituen. Bi aldiz lortu zuen Zilarrezko Euskadi Saria (1981, 1982). 1992an Merituaren Domina eman zion Donostiako Udalak.
Bere ikerketa eta ekarpenak aldamenean agertzen den zerrendan zehazten diren argitalpen ugarietan jasota geratu ziren eta Donostiako Udal Liburutegian eta Koldo Mitxelena Kulturunean kontsultatu daitezke.
